Maandamano makubwa Kenya

 

Mkazi wa Kenya katika mji wa Kisumu akiliweka gurudumu la gari katika moto uliowashwa na kuziba njia wakati wa maandamao ya kupinga mauaji ya aliyekuwa anatarajiwa kugombea Ubunge kwa tiketi ya ODM Shem Onyango Kwega  .Picha na AFP 

Na Mwandishi wetu
RAIA wa Kenya  jana walifanya maandamano makubwa kwenye mji wa magharibi ya Kenya ya Kisumu, kufuatia mauaji ya mwanasiasa wa eneo hilo.

Upingaji wenye vurugu ulizuka siku ya Jumatatu baada ya, mgombea ubunge Kisumu Shem Onyango Kwega  kuuliwa na watu wenye silaha wasiojulikana wakati alipokuwa anaendesha gari mjini akiwa na mke wake.

Kwega, mwenyekiti wa tawi la eneo hilo la chama cha Orange Democratic Movement (ODM) cha Waziri Mkuu Raila Odinga, alipigwa risasi ya kichwa na baadaye kufariki hospitalini.

Huku  Mke wake naye akipigwa risasi na kupelekwa hospitali na watu hao hao waliobainika kumuua mgombea huyo.

Mauaji hayo mwanzoni yalihusishwa na majambazi, lakini sababu za kisiasa hazikutolewa mara moja.

Polisi walifyatua mabomu ya kutoa machozi wakati mamia ya vijana walipokusanyika katika eneo la mtaa wa vibanda wa mji huo, lililoko kilomita 350 magharibi ya Nairobi.

"Kikundi kilikuwa kinajaribu kuandamana mjini," alisema mkuu wa polisi wa mkoa Joseph ole Tito. "Hatutawaruhusu kuja na kusimamisha biashara mjini."

Siku ya Jumatatu, watu watatu walifariki wakati mkebe wa bomu la kutoa machozi lililorushwa katika kioski ambako walikuwa wakijificha kiliposhika moto na mtu mwingine aliuawa baada ya kupigwa risasi.

"Kwa kweli hatujui ni nini hasa kilitokea vifo vyote hivi vitachunguzwa kwa undani," Tito alisema.

Chama cha ODM kilitoa taarifa ya kulaani "mauaji hayo ya kikatili" na kuwataka viongozi  kuchunguza sababu" zinazohusiana na mauaji hayo.

Watu waliofanya uhalifu huo inadaiwa kwamba walikuwa katika pikipiki ambapo walipomaliza kile walichokitaka walikimbia na kutokomea mbali kabisa.